𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐈𝐢𝐫𝐚𝐚𝐧: 𝐃𝐚𝐥𝐚𝐥𝐤𝐚 𝐝𝐞𝐫𝐢𝐬𝐤𝐚 𝐚𝐡 𝐥𝐚𝐦𝐚 𝐛𝐞𝐞𝐠𝐬𝐚𝐧 𝐝𝐨𝐨𝐧𝐨 𝐡𝐚𝐝𝐝𝐢𝐢 𝐚𝐚𝐧 𝐰𝐞𝐞𝐫𝐚𝐫 𝐥𝐚𝐠𝐚 𝐬𝐨𝐨 𝐪𝐚𝐚𝐝𝐢𝐧

Madaxweynaha Masoud Pezeshkian ayaa sheegay in hoggaanka ku-meel-gaarka ah ee Iran uu ansixiyay go’aan dhigaya in aan dalalka deriska ah mar dambe la weerari doonin, haddii aan weerar looga soo qaadin dhulkooda Iran.

Hadalkaan oo warbaahinta Iiraan baahisay, madaxweynuhu wuxuu sidoo kale raalli-gelin ka bixiyay weerarradii maalmihii la soo dhaafay lagu qaaday dalalka deriska ah. Wuxuu sheegay in go’aankan cusub uu ujeedkiisu yahay in la yareeyo xiisadda gobolka iyo in la xoojiyo xiriirka ay Iiraan la leedahay waddamada ku xeeran.